మేం పనికిమాలినయ్ రాయం,ఓ Like కొట్టుర్రి సాలు

  • సూడసక్కాని తల్లి - సుక్కల్లో జాబిల్లి


    సూడసక్కాని తల్లి - సుక్కల్లో జాబిల్లి
    హొయ్యారే హొయ్యా హొయ్యా - హొయ్యారే హొయ్యా హొయ్యా ॥ 2 ॥
    పల్లవి: సూడ సక్కాని తల్లి
    సుక్కల్లో జాబిల్లి
    నవ్వుల్లో నాగామల్లి
    నా పల్లె పాలవెల్లి
    మళ్లీ జన్మంటూ ఉంటే సూరమ్మో ఓ...ఓ...ఓ...
    తల్లీ నీ కడుపున పుడుతా మాయమ్మా.... ॥ 2 ॥
    ॥ సూడ సక్కాని తల్లి ॥

    చరణం: తొలికూడి కూయంగా
    తెలతెల్ల వారంగా....
    పాలు కడవల్లు నిండా
    పల్లె బంగారు కొండా
    పారుతున్న యేరు
    పచ్చ పచ్చనీ పైరు
    ముత్యాల ముగ్గుల్లో
    సిగ్గు లొలికే పల్లె
    సంక్రాంతి సంబరాలు సూరమ్మో ఓ...ఓ...ఓ...
    అంబరాన్ని తాకే సూడమ్మో ॥ 2॥
    ॥ సూడ సక్కాని తల్లి ॥

    చరణం: పుండ్లున్న సుండున్న
    చీదరించాకుండా
    ఊడిగమెంతో జేసే
    మాయన్న మంగలన్న
    పల్లెంతా మైల దీసి
    మల్లే పువ్వుగా జేసి
    ఓహోహోం ఓహో అంటూ
    పల్లకీ మోలైనావు
    మాడేలును మదిలో తలచీ ఓరన్నా ఓ...ఓ...ఓ...
    ఊరికీ దివిటైనావా మాయన్నా
    నువ్వు ఊరికీ దివిటైనావా మాయన్నా
    ॥ సూడ సక్కాని తల్లి ॥

    జాజిరి జాజిరి జాజిరి హోయ్ ॥ 2॥
    చరణం: మట్టిని ముద్ద జేసి 
    మా కూటికి కుండైనావా
    గౌడన్న కల్లు గీసి
    పల్లెంలే కల్లుబోసీ
    బొద్దంతా బట్ట నెయ్యా
    గుండే దారపు కండే
    ఆరు గజాల చీర
    అగ్గిపెట్టెల్లో పెట్టే
    చేతి కులవత్తులకు ఓరన్నా ఓ....ఓ...ఓ...
    చెయ్యెత్తి దండం పెడతా సాలన్న ॥ 2॥
    ॥ సూడ సక్కాని తల్లి ॥

    చరణం: అల్లల్ల నేరళ్ళ
    గొళ్ల కురుమల మంద
    ఊరు మేలు కోరే
    భీరన్న దండాలన్న
    బొత్తగాలి తిత్తి
    పొద్దంతా ఒత్తి ఒత్తి
    కొడవల్లకు కత్తయినావు
    నాగళ్ళ కర్రయినావు
    కమ్మరి కొలువైనావా... ఓరన్నా...ఓ...ఓ...ఓ...
    మా ఊరికీ చెలిమైనావా మాయన్నా ॥ 2 ॥
    ॥ సూడ సక్కాని తల్లి ॥

    చరణం: కాళ్ళకీ చెప్పయినావు
    దండోర డప్పయినావు
    పల్లెకు చివరనుంటూ
    ఊరికే కాపైనావు
    ఎండ వానల్లో నీవే...
    సేను సెలకల్లో నీవే...
    అయ్యారే మాలన్న
    అన్ని పనులల్లో నీవే
    సరిరారు నీకెవరు ఓరన్నా...ఓ...ఓ...ఓ....
    సల్లంగా ఉండాలి మాయన్న
    నువ్వు సల్లంగా ఉండాలి మాయన్న
    ॥ సూడ సక్కాని తల్లి ॥
    ఓ...ఓ....ఓ... ఓ...ఓ...ఓ...
    రచన: అంద్శై గానం: రమణ
    నత్య దర్శకత్వం: అంతడ్పుల నాగరాజు, 94400 01886
  • You might also like

    వ్యాఖ్యలు లేవు:

    వ్యాఖ్యను పోస్ట్ చెయ్యండి